مملكة الشعر والأدب

دموع الشموع 

أشعار : عمادالدين العيطة

دموع الألم مرة 

ودموع القهرة مرة

ودموع الحسرة مرة

بتذبح فى كل مرة ..

 ألف مرة ... ومرة

دموع .. قبل ماتدبح .. بتجرح 

عاملة ليها بين عيونا ..

 سكن ومطرح 

وكل يوم عمالة تطرح 

دمع وأسى ..

واللى إتنسى 

ضحكة تاهت مننا .. 

ومن حزننا ..

مش عارفة تفرح

وياااه .. وياااااه ع الفراق 

خلى خلء الحب داق 

والدموع داخلة فسباق 

بتعاندنا يمكن ..

بتجرحنا يمكن ..

وبين فراقنا تسكن 

وتسيبنا دايما فى إشتياق

وسط ليل عمره ماداق 

فى الأمل طعم الوفاء

ولاحتى شاف ضوء القمر

كل اللى شافه حبيب غدر 

وساب لنا مر القدر 

والسهر .. وشموع حزينة 

ودموعنا تملى بحور مدينة

والسحاب يبكى علينا 

والنجوم تعكس علينا الهموم 

والفرح مايلاقى مطرح

عماد الدين العيطة