#من_ديوان_الحناوي
مئوية الكورونا .
( إلزموا بيوتكم شويه )
اسمعي يا ست سونه
وافهمي يا حاجه نونه
حضري لنا كام لمونه
واغسلي لنا بالصابونه
كل ركن ف دار أبون
خلي بالك م الكورونا
الزمن دا اللي احنا فيه
صعب خالص وتلاقيه
فيه الفيروس قد إيه
جايب عدوى حس بيه
خلى بالك م الكورونا
اوعوا تجروا وتسيبونا
في المستشغى وتعزلون
وتقولوا لنا ما تلزمونا
احنا منكم هاتعالجونا
خلى بالكم م الكورونا
يا طبيب كلك شهامه
تعبت أكتر ولسه ياما
اليوم يومك سيب علامه
تتحسب لك يوم القيامه
خلى بالك م الكورونا
الخطر قدام عينينا
والمرض بيهد فينا
مهما رحنا ومهما جينا
والكساد غالب علينا
رحمتك يارب بينا
خلي بالكم م الكورونا
كل واحد يحمي نفسه
ياخد باله ويزبد حرصه
دا المرض من شدة بأسه
مات منو الطبيب نفسه
خلى بالك م الكورونا
إلزموا بيوتكم شويه
واغسلوا بكلور وميه
الحوائط والأرضيه
وانشروا في الشمس شويه
فرش بيتكم والأغطيه
خلى بالكم م الكورونا
يا اللي شايف ياللي سامع
مش ضرورى في الجوامع
تستني الفجر اللي طالع
صلي في البيت ظرف مانع
بكره تتفتح الجوامع
للي ساجد واللي راكع
خلي بالك م الكورونا
البكاء دوب عيون
والأسى فاق الظنون
كل شيء جايز يهون
إلا كعبتنا المصون
حبها جوا العيون
خلي بالك م الكورونا
ناس كتير حالها ساء
محتاجين كسوه وغذاء
واحنا شعب كله عطاء
كلنا في الشده سواء
خلي بالكم م الكورونا
الكورونا ما رحمت حد
وأثر فينا ضررها بجد
خلوا بينا وبينها سد
الخطر ازداد واشتد
خلي بالكم م الكورونا
لواء وطبيب وناس عاديه
ماتت موته ماهيش عاديه
إبعد يارب عنا الأذيه
عن شعبنا والدنيا ديه
خلى بالكم م الكورونا
خلى قلبك من حديد
إوعى تخاف م التهديد
دا اللي مات شئ اكيد
م الكورونا دا مات شهيد
خلي بالك م الكورونا
الكورونا دا شئ مخيف
نقضي عليه بالتنضيف
خف الزحمه بدون تكليف
وعيش في جو نقي ولطيف
خلي بالك م الكورونا
غابوا عن عينا الأحباب
وسابوا ذكرى ف كل كتاب
فراقهم صعب وكله عذاب
دا ربك عالم بالاسباب
خلى بالك م الكورونا
العالم محطوط في ورطه
وعامل خطه وراها خطه
حتعمل إيه أكبر سلطه
دا المرض جبروته غطه
خلي بالك م الكورونا
اختبار ولا ابتلاء
جهزوا بسرعه الدواء
ربنا منو الشفاء
كتروا بس الدعاء
خلى بالكم م الكورونا
درس لينا واختبار
مين رحيم ومين جبار
آدي الجنه وادي النار
بطلوا ظلم ومرار
خلي بالكم م الكورونا
ظلمنا يارب حالك
كلنا واقفين ببابك
خايفين جدا من عذابك
تبنا عدنا لرحابك
خلي بالكم م الكورونا
--------------------------------
بقلم د / عبد الرحمن فتحي الحناوي .
من مصر .
الجمعة ١٠ من أبريل سنة ٢٠٢٠ .
ليست هناك تعليقات:
إرسال تعليق