حارة رمضان.
عم شبندر قام وأتغندر .
دهن الحاره بست ألوان .
وست بكيزه وجارتها عزيزه
عملوا فوانيس أشكال وألوان
أهلا رمضان .
وعم جاب الله قام يتسلى
وعلق النور فى كل مكان
وخال غمراوى جاب سبعاوى .
وبالخير ناوى يعمر موائد الرحمن.
أهلا رمضان .
وعم عطيه عمل جمعيه
عشر أنفار عشان مختار
يجيب لولاده حاجة رمضان .
والشيخ زهران قال م الدكان
ياخد المحتاج مهما كان
أهلا رمضان.
وأمام الجامع قال للسامع
هنعمل خاتمه بالمجان
ندرس نحفظ أه ونتعلم
تلاوه وتفسير للقرأن.
دنيا جميله وحاره عظيمه
صدق من قال أهلا رمضان
صدق من قال أهلا رمضان.
أهلا رمضان.
وعم بخاتى المسحراتى
ينادى يهاتى يدق ليلاتى
أصحى يانايم ليه غفلان
أصحى يانايم شهر غنايم
كله جوايز تنادى كسبان
هل بنوره جابر لفقيره
شهر الرحمه والأيمان .
أهلا رمضان .
كلماتى ابراهيم الحداد
ليست هناك تعليقات:
إرسال تعليق