** مسحراتي الوطن. ( الحلقة 15 )
مسحراتي مصحياتي
كلامي حصري
وبلهجة مصري
لكنه عربي ومن جوا ذاتي
إصحا وصحصح ..وافهم لغاتي
دا كلامي محشي بمكسراتي
إنتا ابن مين ياوطن؟
إنتا ابن مين ياوطن .. فاتك حزين
إنتا ابن مين .. ميت أب ليك لكن يتيم
لما بتنزف نبضتك بيحس بيك
لما تئن فغربتك يتوجع ليك
لما بتنزل دمعتك وسط المذلة والدمار
مين قال دا عار
وبثوب الشهامة يمسح دمعتك
ويبوس على اقدام النهار
يمكن يحن لغربتك
ترجع لنا من عتمتك
شامخ على باب الزمن
وتغني لولادك عمار
كتير سمعناك ياوطن..غنيت لنا نار ودمار
إصحا يانايم .. إصحا يا غفلااان
إحنا انتصرنا لما كنا اخوان
كان العلم واحد..صبح العلم ألوان
ألوان وأجناس .. لكن أصلنا واحد
والدمع لو يختلف..يبقى الوجع واحد
والأقصى واحد .. لكن من خانوه ألواان
أنا مسحراتي الوطن ..راجع لكم بكرا
شايل فانوس العروبة للعرب ذكرى
إصحا لكلامي ودايما ليلاتي
دا كلامي محشي بمكسراتي
مع حكاوي المسحراتي
بقلمي/ محمد الاشقر
كتاب مسحراتي الوطن (دار بردية للنشر)إيداع 2019/7584
ليست هناك تعليقات:
إرسال تعليق