مشتاق لك والشوق طاغي وقتال
يزداد شوقي كل لحظة وساعه
أسست لك في داخل القلب منزال
وحبك زرعته في خفوقي زراعه
انت الغلا واغلا من الحال والمال
يانور فيني قد تبيّن شعاعه
أحب حرفك لا خذيته بموال
واحب رسمك قبل حبر الطباعه
من لامني .. ماهمني .. قال ماقال
انت المهم .. واللي يزيد إرتفاعه
يا اول محطاتي .. وحلمي ولآمال
ويا آخر محطة في غرامي قناعه
لو رحت عني عشت ضجة وزلزال
وان جيتني مفرد لقيتك جماعه
يا حبي الأول ترى الحب قتال
وانا قتيلك كل ماجت قطاعه
خذها مشاعر تشرح الصدر والبال
فيها المودة لك وسمعاً وطاعه
مشتاق لك والشوق غير بي الحال
وهذا انا .. والقلب هذاااا التياعه
والشوق عجل في فؤادي وما طال
حتى حنين القلب رفرف شراعه
بقلمي فواد قاسم ثابت
♥️🌹♥️🌹♥️
ليست هناك تعليقات:
إرسال تعليق