واه يا جده
لما كنا صغيرين كنت حضننا الدافي الامين
فاكر كردانك وحلقك السمين
ونقشة علي خدودك تجاعيد السنين
ايوه فاكر حكاويكي عن الماضي الجميل
عن اللمه والعيلة وحب صافي بضمير
لما كنت تقولي حبوا بعض خافوا علي بعض
ده انتم يا صغار عوض السنين
زرعتي فينا حب الوطن وعشق ترابه والحنين
فاكر حكايات الطيبة والشهامة
وكل جار حافظ لجاره من اكله علامه
لم كنتي تلمينا كلنا وتقولي خليكم حزمة متجمعين
كل حكاويكي وسهاريكي كانت نور في عتمتنا
كان الخير والبركة في لمتنا
بس معلهش يا جده مهما عملت فينا السنين
احنا بردوا لسه حته منكوا طيبين
واه يا جده يا نبع الحنين....
بقلم صلاح شلقامي
ليست هناك تعليقات:
إرسال تعليق