واخيرا
واخيرا قالت لى باحبك
وباشوف السعاده ف قربك
وبافرح كتير وانا جنبك
واخيرا ياقلبى ارتاح
ملينا سهر وجراح
وبدأنا سنين افراح
واخيرا هاشوفها يوماتى
م اللحظه لحد مماتى
وهاتسعد اكيد اوقاتى
واخير وبعد جهود
حطمت بحبى سدود
انا عشقى مالوش حدود
واخيرا هاحب بجد
ومعاكى هاشوف السعد
يازهره فى بستان ورد
واهو صدقت ظنونى فيك
ياحبيبى بروحى افديك
بادعى لك ربنا يخليك
ولحبى كمان يهديك
واشوف فرحتى ف عنيك
دقات قلبى ملك ايديك
ونبضاتى تنادى عليك
وف حلمى تمالى الاقيك
انا ادمنت سحر عنيك
وف نن العيون اداريك
وبكل الحنان اراعيك
ولو تطلب روحى وقلبى
راح اهديهم عشان اراضيك
شعر احمد اسماعيل/ شاعر العرب
ليست هناك تعليقات:
إرسال تعليق