لما كنا صغيرين
كنا عايشين الخيال
كنت فاكر الدنيا نور
جنة وخضرة خلف سور
فيها شواطئ وبحور
نكبر نلقى بنات الحور
كنا نشخبط بالطبشور
خطوطنا تنزل عن السطور
دنيا كلها سرور
واما كبرنا فضلنا ندور
نعشق ألوان الزهور
نبحث عن بدر البدور
اهديها ارقي العطور
فكري ان قلبي جسور
اكون أول الحضور
لقيت الحظ بالطابور
والكل يقف فى الدور
مش بمزاجك المرور
الدنيا مش خيال ولا نور
اتوظف خليك مستور
بالميري تعيش فخور
ويمر شهر وراه شهور
دخلنا فى كهف مسحور
بالعافية توفي النذور
انت أجير مش مأجور
الهموم حواليك تدور
تخرج منها مسكين مبتور
عمرك راح فى انصراف وحضور
فى المعاشات تقف طابور
فترة بسيطة تلاقيك مقبور
(((أسامه جديانه)))
ليست هناك تعليقات:
إرسال تعليق