وعدتك
وعدتك انى اكون ليكى
عشقت الحب ف عنيكى
فى نن عيونى اداريكى
بروحى وعمرى افديكى
وعدتك ع الفرح والسعد
واناعمرى ماهنسى الوعد
وحتى فى الخصام والبُعد
انا فاكرك يانور العين
ولو فاتت علينا سنين
ومين يشغلنى غيرك مين
ده وعدى امانه فى ضميرى
لانك قدرى ومصيرى
حروف اسمك نغم حائر
على درب الفؤاد سائر
فرشت الورد على بابك
لانى اعز احبابك
شربت المُر فى عذابك
وانا محافظ على وعدى
اقول دى لحظه وتعدى
ولو تقسى انا مسامحك
عشقت الدنيا فى ملامحك
لااخر عمرى هاستنى
اعيش وياكى واتهنى
ده بعدك عنى يجرحنى
وفى قربك دنيتى جنه
شعر احمد اسماعيل/ شاعر العرب
ليست هناك تعليقات:
إرسال تعليق