** مسحراتي الوطن. (الحلقة 8)
مسحراتي مصحياتي
كلامي حصري
وبلهجة مصري
لكنه عربي ومن جوا ذاتي
إصحا وصحصح ..وافهم لغاتي
دا كلامي محشي بمكسراتي
ي ام قلب اخضر غض وطري
له جناحات
لوتخطري..جوايا وتنظري
مرة وفشوقي تفكري
وعلى نبضي ياغالية تأشري
حتلاقي إسمك ف الوريد
وحروفه منورة بكلمة«شهيد»
ياملكة فوق عرش القلوب
ي ام السواقي بتنعي مجد فات
فين المرؤة والكرم والجدعنه
مافضلش غير حبة شهامة متفرعنة
واقفة تصد العولمة ..والخلعنة
والخلق اللي على بعضها متخلقنة
ومستنياني أقوم اصحّي خلق مات
ي ام النيل بيجري على خدودنا ذكريات
حستنا فجرك يطلع ف المعاد
لمايتولد من نور بهاكي أغلى الولاد
يخلّي بكرا أحلى من كل اللي فات
إصحا يانايم .. إصحا يا غفلااان
إحنا انتصرنا لما كنا اخوان
كان العلم واحد..صبح العلم ألوان
ألوان وأجناس .. لكن أصلنا واحد
والدمع لو يختلف..يبقى الوجع واحد
والأقصى واحد .. لكن من خانوه ألواان
أنا مسحراتي الوطن ..راجع لكم بكرا
شايل فانوس العروبة للعرب ذكرى
إصحا لكلامي ودايما ليلاتي
دا كلامي محشي بمكسراتي
مع حكاوي المسحراتي
بقلمي/ محمد الأشقر
كتاب مسحراتي الوطن(دار بردية للنشر)إيداع 2019/7584
ليست هناك تعليقات:
إرسال تعليق