أحلى فرحه
احلى فرحه وانت جنبى
وانت ساكن عمق قلبى
احلى لحظه لم اخدك
والكسوف يظهر فى خدك
والنسيم هفهف علينا
والسعاده بين ايدينا
والقمر يضوى بنوره
والفؤاد يعلن سروره
حتى نور الشمس دافى
ده انت حبك والله كافى
والزهور ترقص بفرحه
والعقول فى الحب سارحه
اه يا أجمل ذكرياتى
قلبى عاشقك طول حياتى
ياللى حبك خدنى فوق
قلبى جاى مليان بشوق
وحضنى مفتوح لك ياغالى
ده انت فيك حلمى وامالى
مانحرمش العمر منك
جوه قلبى شوق ساكن لك
انت عندى دنيا تانيه
دنيا فيها السعد كله
اياك تغيب ولا حتى ثانيه
لوتغيب عنى ياعمرى
مين لقلبى يكون فاضل له
شعر أحمد اسماعيل/ شاعر العرب
ليست هناك تعليقات:
إرسال تعليق