ادى النهايه
وادى نهايه حبنا
ماخلاص خسرنا بعضنا
مابين اهاتنا ودمعنا
ياما حاولت اترجى فيكى
وقلت لك ابوس ايديكى
بلاش عتاب بقى وارحمينى
مارحمتى حتى دمع عينى
عيشى لوحدك فى السراب
بين الدموع بين العذاب
بس اوعى مره تذكرينى
انا نسيت الذكريات
من العتاب انا قلبى مات
اخلصت فى حبك أنا
وكان لقائك يوم المُنى
دلوقت مش عايزك خلاص
ده انتى عتابك طلقات رصاص
هاتشوفى غيرى وترجعى لى
ده حبك انتى سود لى ليلى
انا اعتزلت الحب لكن
حبك فى قلبى لسه ساكن
الحب ده هاقفل عليه
ياقلبى مالك جرى لك ايه
اوعاك تفكر فى الرجوع
خليك قوى وبلاش خنوع
انساها وابعد عنها
خليها تبكى لوحدها
طعم المرار فى شهدها
كلمه وداع اخر كلامى
يابو اسم تاه بين الاسامى
ولا ده عتاب ولا ده ملامى
بكل ادبى واحترامى
ابلغك اجمل سلامى
شعر أحمد اسماعيل/ شاعر العرب
ليست هناك تعليقات:
إرسال تعليق