مملكة الشعر والأدب

ف ناس و ناس  ..

   ناس ب القدم   ب تنداس ..

و   ناس مخبوطة  ب  الفاس   ..

و    ناس مخلوطة  ب الإحساس ..

و    ناس مخطوطة ب الألماس ..

و   ناس محطوطة  ع  الراس  ..

   ناس بتبوسها الدنيا  ع الخد ..

و   ناس تدوسها الدنيا و تهدها  هد ..

و   ناس تاخد بس و متعطيش   حد ..

و   ناس تدفع   و  تاخد  ع  الأد ..

   ناس عايشة  فوق الأرض  ..

 و   ناس عايشة تحت الأرض ..

   ناس ب تموت  من  تقل صدمة  الإنفجار ..

و    ناس ب تموت  من  أكل  روعة   الكفيار  ..

   ناس  يومها  كله  غيوم  ..

و   ناس   يومها  كله نجوم  ..

   ناس عايشة اليوم ب يومه ..

و   ناس عايشة  اليوم و شهوره ..

   ناس   ب  تتعب  و لا  تاخدش   ..

و   ناس  ب   تاخد و لا تتعبش     ..

و   ناس  ب   تاكل و لا تشبعش    ..

 ناس   و  ناس  ..

  ناس  شايلة  فوق  ظهرها الأحمال  ..

و  ناس   متشاله منها كل   الأحمال  ..

  ناس  ب  تاكل شوك  ..

و   ناس  ب  تاكل شوق  ..

  ناس متعرفش غير الفول و الطمعية ..

و  ناس أكلها  كله العسل ب المهلبية ..

 ناس مولعة  لابسة  اللبس  المقطع  ..

و  ناس مدلعة  لابسة إستايل  المقطع ..

 ناس ب تشرب حزن  و غم  ف ليل مسدود   ..

 و  ناس ب تشرب فرح ف كاس  ليل منشود ..

و   ناس  الدنيا مفروشة  ليها  دوود ..

و   ناس  الدنيا مفروشة  ليها  ورود  ..

 الله    ..

  هو  الرحمن  الودود ..

  ب عزته  ليه  شئون  الوجود  ..

ياريت  الناس   تفتح    السدود    ..

و يجري بينهم الفيضان المسدود  ..

و تخلي الدنيا  ضحكة   الخدود   ..

تقتل  وحدة  و قسوة  الزمن  الفاضي   ..

علشان العدل  ب  الرحمة هو المنادي    ..

ينادى ع البشر ب الرحمة تسعد القاضي    ..

الله هو الملك القاضى ف  الدنيا  ها ينادى   ..

ب   العدالة    ..

ع   أرض   كل الناس   تعيش  عليها     ..

ب الندالة    ..

ع   الأرض  كل الناس   تتعذب فيها     ..

ب  الفضيلة    ..

ع   الأرض   كل الناس   تتستر  معاها   ..

ف ناس و ناس ..

كلامي ده  مش حقد ع البشرية ..

                اللي عايشة  مبسوطين  ..

ده العدل لما استخبى ..

       خلى  ف ناس عايشة  ميتين   ..

عارف ان الله خلق البشر طبقات ..

لكن  المساواة  ع الأرض أحلى بين الفئات ..

مش ناس تاخد كل الحاجات ..

و ناس تعيش ع  الفتات ..

و الله العادل أبدا  أبدا  ما بينساش  ..

عباده ع كل الأرض  ..

المظلومين   ..

المساكين     ..

المحتاجين   ..

فهمتوا  يا ناس يا طيبين     ..

إن الله  هو أرحم الراحمين   ..

هذيان قلم : 

: محفوظ البراموني :