على ضى القمر
على ضى القمر نسهر
فى بحر الهوا نبحر
مع نور الشموع نفرح
فى دنيا الغرام نسرح
فى لحظه قلوبنا تتلاقى
قلوب عاشقه ومشتاقه
نروح لجزيره مهجوره
عيون تضحك ومسروره
نعيش فى سعاده وف فرحه
وثوب ابيض مع الطرحه
ودبله عليها اسامينا
ونسمه شوق بترمينا
الاقى الحضن مفتوح لى
شفايف حلوه بتبوح لى
فى رمشك قلبى انا دايب
وسهمك فى الفؤاد صايب
اشوف فيكى الحريم كله
ياشمس القلب مع ضله
هاقول كلمه بأعلى الصوت
على كل القلوب بتفوت
انا عاشق حبيب الروح
وحبى لك لحد ما أموت
شعر احمد اسماعيل/ شاعر العرب
ليست هناك تعليقات:
إرسال تعليق