#كنتي_في_جره
••~•~••
مش كل مره تسلم الجره
وأنا حظرتك مليون مره
بعد كده مصيرك بره
كنتي في جره وخرجتي لبره
تعبت منك وكتير حظرتك
وعرفتك ياما وخيرتك
ومصره برده علي عنادك
إتحملي بقي إللي يجرالك
ألف مره قولتلك
وفهمتك كتير وعتيلك
إن العند معايا مش هيفيدك
و هو دا بقي خلاص مصيرك
أوعي تفتكري بعدك هضيع
أنا أبداً مش طفل رضيع
كان أسلوبك معايا وضيع
ولا يمكن أركع ليكي وأرجع
ألف سلامه الباب يفوت جمل
خلاص مفيش منك أبداً الأمل
وإتحملت منك حمل جبال
وعملت معاكي لتغير كل المحال
•••
#كنتي_في_جره
بقلم/ الشاعر محمد عامر
ليست هناك تعليقات:
إرسال تعليق