عيوني لك سك
=======
أنا كنت قبل الميلاد
ناسك
ويوم ميلادك
كنت إحساسك
كانت عيوني سكن
ورموشي حراسك
والقلب نبضه أمر
تكوني في النني
كان كل أمله ومناه
ترقي وتحني
ويكون لقلبك لجام
قلبي له ماسك
والشمس تطلع عروسة
تخجل كدا مني
والبدر ليلة تمامه
كان جاي متحني
زي العريس في الفرح
مبسوط وبيغني
ميل عليا القمر
بشويش كدا وقلي
ليل الحياري حكي
للسهرانين عني
أن غرامك نده
والقلب كان راسي
عاشق عيونك ورسمك
وبسقي كل الورود
بحرف من اسمك
وأن يوم عاتبني القمر
حقه علي راسي
خالفتي وعدك ببعدك
وأنا قلبي مش قاسي
عاشق و طبعة الوفا
عمره ماكان ناسي
يتمني لحظة لقي
واهو في الطريق ماشي
حيران في بحر الهوي
عاشق وبيقاسي
ووصلت شط الغرام
والهم كان كاسي
قالوا نسيت عِندها
أنا قلت مش ناسي
أيوه عانيت بُعدها
لكن مانش قاسي
ولا هرضي يوم تشربي
الذل من كاسي
وتزيد جروحك
وتغرق في الانين
روحك
لكن هاسمحك
وأطبب في اللقي جرحك
تحضن عيوني عيونك
وأنا في الهوي ناسك
ليست هناك تعليقات:
إرسال تعليق