جمال صناعى
فجاءه كده أصبحت عيون
بنات العرب خضره وزرقه
والعيون السود اللى ياما
غنوا لها بقت مش مناسبه
واما الحواجب شالوها شيل
ودقوا بدالها تاتو ورسمه
المناخير المبرطشه صغروها
ونمنموها متقولش نبقه
والشعور كلها بقت سارحه
وطويله وعملوا لها وصله
والشعور السوده كخه صبغوها
على كل لون وصبغه
كل الشفايف بقت مفرطحه
ومكلبظه ومنفخوه نفخه
والخدود ما شاء الله مليانه
على الآخر ومدكوكه دكه
الجمال كله صناعي والحريم
عايزه تبقى نانسى وهيفا
غيروا خلقة ربنا ولعبوا فيها
بمناسبه وبدون مناسبه
اللى عدى عليها قطر الزمن
عايزه ترجع حلوه وشابه
هات ياشد وشفط ويخرطوها
لأجل تبقى الجثه مزه
كله زينه وكله عيره مالها
خلقة ربنا خلقته فضل ونعمه
حقك تتجملى وتتزينى بس
اختارى الحاجه المناسبه
الشاعر عبد المنعم حمدى رضوان
ليست هناك تعليقات:
إرسال تعليق