🔘حوار عاشق..... قاعد بكتب بقلمى... معايا سجايرى وولعتى
شفت دموع عينيكى... بتصحى حاجات جوة منى
بصيت لقهوتى السادة... شفت وشك مليان عبادة
وشها حزين مكسور... زى قلبك المقهور
سألت الناس حواليا... حد شاف جنية
قالولى مجنون... قلتلهم جنونى بيها يفوق الكون
قالولى عاشق... قلت مانا قلبى منى سارق
قالولى سرقتك... قلتلهم حبتها من رقتها
شفتك جمبى... طيفك جوة قلبى
شفتك معايا... وانتى مش معايا
شفتك من بعيد جاية... قلت دى اكيد الجنية
سألتهم هى دى حببتى... قالولى دى فى خيالك ساكنة
قلتلهم دى جوايا عايشة...وفى عروقى جارية
قلتلهم فى حضنى مستخبية...قلتلهم دى حياتى الجاية
قبلها مليش حياة... بعدها مليش وجود
قربها جننى بعدها موتنى... حستها من قلبى وبجمالها الدنيا نستنى
حبها ليا قلبها معايا... غيرى يشفها يحبها ويحسدنى على جمال قلبها
دى فى حضنى مستخبية...هى الماضى وهى حياتى الجاية
محمد عبد الفتاح السوسى
ج. م. ع.
ليست هناك تعليقات:
إرسال تعليق