طول عمري وانا غاوي تجارة
بعت قلبي بنظرة عين
واشتريت قلبه بمهاره
بات الرمش ليلته حزين
وقالي ياميت خسارة
زرفت العين دمعتين
الخدود زادت نضارة
بلون الجوري والياسمين
في خد قال ايه العبارة
اللسان قال كلمتين
يحب تارة ويعشق تارة
قلبها بدأ يلين
قلت مالك ياسمارة
قلبي فاض بالحنين
صبحوا اللايمين حيارة
لما زاد نبض الوتين
حس الحبيب بالإشارة
سأل كل العاشقين
قالوا العشق له وقاره
هادي نبضه نبضتين
الوريد فى حالة اثارة
قلب واحد مش قلبين
اعلن العشق بشارة
انهم صبحوا حبيبين
والبداية كانت تجارة
التجارة فى الحب شطارة
(((أسامه جديانه)))
ليست هناك تعليقات:
إرسال تعليق