بحس اني عايش
بنسي اني كنت عاصي
وانسي اني كنت طايش
بنسي ايامي اللي فاتت
واللي جاية
هتصدقي لو قلتلك
مشاعري ليك هي هي
نفس اشتياقي اللي باقي
لسه ليك عندي صورة
احساس بجد
حنين بس راقي
ياسلام لما احسك
تطلع الشمس تنور
والقمر من فوق سحابه
عمايل يصور
والنجوم ترقص محبة
وحبة حبة
تطلعي بدري المنور
نغزة ديه اللي في خدودك
نظرتك احساس يحير
حرفي اتعود عليك
كل مرة كنت بكتب
اخاف حروفي مرة تكدب
مرة تصدق
مرة توصف قلوب كتيرة
من غير ماتحسب
لكن انت حاجه تانيه
حاجه لما احس بيها
احب نفسي
اطلع من بره خوفي
اهد يأسي
شيء غريب لما تحس
انا محتاج لحد
انا مشتاق لحد
رغم تغيير ملامحك
رغم جرحك
لسه حاسس رغم حزنك
ان فيه في العمر ورد
قرب..بعد
حر..برد
المهم ان تحب
والاهم مش اي حد
عنده المهارة
الشطارة لما يحب
ميحبش اي حد
الخلاصه وبامانه
سيبك من الملامح
دور في الاساس
علي عنده قلب
احمد عبدالحق
ليست هناك تعليقات:
إرسال تعليق