======
بيعتبوني علي حبي ليها
وقلبي هو إللي تعلق بيها
جمال قلبها شدني إليها
الحب لا بإيدي ولا بإديها
أصل الحب يا ناس رباني
نزل جوه قلبي وأه ياني
من وقتها والله خلاني
كأني عايش في عالم تاني
الحب الصادق والله جميل
يخلي الحياه أجمل بكتير
وسعاده تدخل القلب مالها مثيل
وتشعر إنك في السما بطير
ليه بس ياخلق تعتبوني
تعالوا الأول وإسألوني
لو كنتم بجد بتحبوني
كنتم في حبها تشجعوني
لما بغيب عنها شويه
بشعر إن الدنيا مش هيه
والدنيا بتبقي برد عليا
لأنها هي الدفا ليا
بحبها وهحبها العمر كله
هي اللي خطفت القلب كله
وهي الحياه وردها وفله
هي اللي ملكت القلب كله
♡♡♡
بيعتبوني
12/8/2020 الأربعاء
بقلم/ الشاعر محمد عامر
ليست هناك تعليقات:
إرسال تعليق