حَسيت قَلبِك عَم بِناديني
سمِعت صَوته الصَوت بالجرة
بالومى عَم بحكي وبحاكيني
كل يوم عَم يعيد هالكَرة
يا ريت نُقعُد سوى وتعطيني
باقة ورد ياسمين مع عُطرة
وبعيونِك الخضرا تجذبيني
بَحلِف يمين وبَترِك الخَمرة
حَسيت فيكي لو تحسيني
احساس حامي بحرَق الجَمرة
وانتِ الاميرة يا بعد عَيني
خدودك التفاح والتَمرة
تمَنيت منك لو تحِبيني
او تِعشقيني ما إلك ضُرة
وتكوني تاج الهنا عَجبيني
يمكن سماري عاشق السمرة
وتكوني قَلبي وقلبك هديني
يا أغلى من ماسة مع الدرة
....بقلمي..ياسين مصطفى بكري...
ليست هناك تعليقات:
إرسال تعليق