مملكة الشعر والأدب

بكاء  الرجال     ( 222 )

.................. 

صعبان  عليا   

يا  دنيا  منك  حبتين

يوم  ما  أجي  ... 

أفرح   وأبتسم  

تبكي  لي  عين

أيام  وتكسيني  بألم  

بتصفي   دين    ..   

أحزن  لا  حتى  تطبطبي  

وتهدي   حيل      ..  

بكاء  الرجال   ..

أيه   تقصدي  

وخدانا   فين   ..    

خلصت   حقي  من  البكا

لحساب   سنين

لسالي  حقي  في  ضحكتك  

وده  يرضى  مين   ...

ماشي  بدور  لأبتسام  

تتباع   دي   فين   ..    

حسبالي   حظي  ولا   

راح   نصيبي   فين   ...

كل   أما  أقوم  أتخبط  

أقعد   سنين   ..       

أفوق  تجيني  تكملي    

من   الهم   شيل   ..   

أكونش  جيت  عكس  إتجاه

طب  أجيه  منين 

دليني  حتى  عالطريق  

لأعيش  يومين  ...

طول  عمري  ماشي  

جنب  حيط 

له  خط  سير  

مش  لاقي  نفسه  

في  دنيته  تاه  له  سنين

ومين  هيمسح  دمعته  

وخلاه  حزين   ..   

بكاء  الرجال  قلبه  إتهزم  

وده  يرضى  مين  

دمعه  تهده  وتكسره     

عاش  ليه  في  آنين     

صعبان  عليا 

يا  دنيا  منك  حبتين

بقلم  ..  صبري رسلان