سمحوا ليا عايش هبالي
وانا للي مالكني خيالي
راكب عودي ساير مع الروح
في سربة لمحبة والبوح
خطوة خطوة وانا غادي
فوق جبال وثراب بلادي
ومعايا حرفي مونسني
عودي رفيقي املازمني
سايح تتمايل لي لحروف
عايش لخيال وانا معروف
ولجامي يتكلم فيدي
ويدندن خالق لي عيدي
عودي خطواتو امساوية
حركت حروفي داوية
وحوافرو تنقش كل جميل
رقصت معاها انسيم لعليل
ياك خلقت ف دواخلي فنان
قاري سواري شاد الميزان
وانا للي وجدت هذا الشلال
نغرف لا ماتقيدو عليا لهبال
من بحر لكلام كل مخبي
كل شهدة في بسمة قلبي
نصغى لخرير ديك لقصيدة
نروي لناس من حروف جديدة
تركوها كل لحظة تصحى
في خيالي راسخة ماتمحى
////////+++بقلم صقر الحروف الزجال بوسبولة المحجوب +++////////
ليست هناك تعليقات:
إرسال تعليق