ستَنيتِك جوى بكَرمي الدنيا بَكير
عُصفوري رَف جناحه بَلَش بالطير
جيتي عطَيتيني بَسمة صار التَغيير
قَلبي ارتاح بدقاتة ضوى المِصباح
**********
ياما قلتيلي بحِبَك والحُب جنون
ما عِندي شَك بحُبَك ما عندي ظنون
لما شَعراتِك لاحوا وغَمزة لعيون
حَسيت بحالي طَيِب شفيت لجراح
**********
جينا لعِدك سَهرة والبدر يهِل
لَقيت خدودك حمرا غَرَقها الطِل
شو ما تحكي يا سمرا مافيه فل
قلبي مَربوط بقَلبِك ضاع المفتاح
**********
عُيونِك لما لاقوني السِحر جنون
لو مرة تخَبي عيونِك خَرَبتي الكون
لما قررت ازورك حَظي مَلعون
عطرِك طَيَرلي عقلي عطرك فواح
**********
نزِلنا مرة عالوادي نُقطُف أزهار
وانتِ أحلى من الزهرة حلو المشوار
فُتنا عالكرم نغني احلى الاشعار
كرم الاعناب وجنبه كرم التُفاح
**********
بقلمي..ياسين مصطفى بكري....
ليست هناك تعليقات:
إرسال تعليق