نفسى تسأل
نفسى تسال عنى مره
بالكلام او حتى نظره
نفسى اطمن عليك
روحى ملكك بين ايديك
نفسى اسمع ضحكه صافيه
فيها صحه والف عافيه
نفسى اشوف غمزه عيونك
والدلال اللى ف جفونك
نفسى تسمع دق قلبى
ده انت نور عينى وحبى
نفسى تبعد عن خصامى
مد ايدك خُد سلامى
نفسى يوم تنسى العتاب
الفراق كله عذاب
ده انت اغلى من حياتى
ياللى فيك فرحى واهاتى
نفسى انده لك تيجى لى
ياقمر ساكن فى ليلى
اه باحبك فين ماكُنتى
ياللى ف الشريان سكنتى
نفسى اشوفك لابسه طرحه
وابتسامه وفيها فرحه
نفسى اشوفك موجه جايه
فوق بحورك بسمه واضحه
شعر احمد اسماعيل / شاعر العرب
ليست هناك تعليقات:
إرسال تعليق