مملكة الشعر والأدب

صباح بلا شمس

صباح النّاس يلّي وِعْيِتْ

ورفعِتْ إيديها ودِعْيِتْ

وبعد الصلاة عينها دمْعِت

على جرح ناس إنوجعِتْ

صباح أوطان عمتُستباح

لوفد جايي ووفد راح

باعوا الهوا ويلّي شمُّه

وباعوا لتراب ويلّي ضمُّه

وهدية عليهم بيّو وإمّو

وقالوا عمنسعى للإصلاح

يا عالم علينا بيكفي هالأد

كذب وفساد فوق الحد

شو ناطرين تتعملوا بعد

عمبحكي مش مزحه بجد

جوّعتونا وخلّيتونا نثور 

وشلّيتونا وما فينا ندور

وكل ما هدّينا سياج 

بتحطوا بدْلو مية سور

وما تْقِلّي ما الها حل

خلّيتوها بطعم الخل

تترجعونا مطرح ما كنّا

وتقولوا بس هيك قدرنا

ونْقِلْكُن غلطة منّا وتبنا

والما كان عاجِبنا عجَبنا

خلينا نحكي عالمكشوف

مين ال عم بيلعب فينا

 

بشطرنج جنودو بتحمينا

والملك لا بكش ولا بهش

ودخّانو بوجوهنا عامينا

وبقِلنا غير هيك ما فينا

شو بدك تفللنا وتخفينا

لإن ما بتقدر ترضينا

كم عقدة وكم مشروع

تتحكوا فيها ممنوع

حكيي مش مخفي مقشوع

ما فينا بهالبلد نرجع رجوع

اذا رح نبقى بهالجوع

صارت الهجرة مشروع

ولما الصبح ما الو شمس

ولما الحكي يصير بالهمس

يعني صار وقتا تنروح

ونترك هالوطن مجروح

فاطمة البلطجي