بلون الدمع القديم .........
وصوت القهر فى صبايا
قولولى ليه بتكسروا الحلم
ليه بتقطعوا خرايط العشق قدامى
ليه بتوهوا الحلم فى ضلام الحقد من تانى
ليه بتبيعوا الاجساد .......
وتفضل الروح تصرخ تنادى
ليه حرمتوا العشق وقلتوا ضلال
وحللتوا البيع وقلتوا حلال
وفرقتوا بين قلبين
لكن مقدرتوش تفرقوا روحهم
اوعوا تفكروا انكم ارتاحتوا-- ابدا
زى عذابى كل يوم هشوف عذابكم
لما تشوفوا روحى بتنادى روحها
او ابتسامة منى تطلع تشفى جروحها
هتموتوا لما تشوفوا نظرة عنيها
وهيا بتحضن عنيا مش بايديها
هتموتوا وانتوا حسين
انها بتحلم بيا وانا بحلم بيها
وغصب عنكم هتحبنى واحبها
ونرجع نلون الورد الاسود
بلون خدودها وعبيرها
وصدقونى............
عمر الروح ما حد يقدر يغلبها
----------------------------
جمعه عبدالله
ليست هناك تعليقات:
إرسال تعليق