بقلم الشاعر محمد سعدون
يا طير يا مسافر بعيد
وسايبني في سهدي وحيد
ليه تبعد و تنساني
ونار الغرام في قلبي تقيد
يا طير أرجعلي من تاني
بلاش تسبني وحداني
في همي وسط أحزاني
أبكي وأسي من التنهيد
يا طير أرجع لعشك
وسيبك من الي يغشك
أنا الي بحبك ووشك
يداوي همي وحزني أكيد
يا طير أرجع وتعلالي
في قربك عشتي تحلالي
معاك الدنيا جيالي
وفرحي بيك ياخدني بعيد
يا طير انت الي في النني
بلاش من حبك تحرمني
ولا تبعد في يوم عني
بلاش تبعد وتبقى عنيد
بقلم
الشاعر محمد سعدون
ليست هناك تعليقات:
إرسال تعليق