جالك قلب
تخلي أمك تنام منك زعلانه
علشان خاطر مراتك ي 100 ندامه
ونسيت إللي حملت فيك 9 شهور
وسهرت عليك وكانت لك دكتور
دلوقتي مراتك هي أمك
ياخساره علي إللي كانت تحضنك وضمك
إصحي وفوق دا الجنه تحت رجل أمك
لو غضبت عليك مش هتشوف فرح بعد أمك
الأم هي واحده ومش راح تتكرر
بلاش تخلي العلاقه بينك وبنها تتعكر
في الأول والأخر صدقني إنت إللي خسران
وبعد موت الأم راح تتحصر
بلاش تفضل مراتك علي أمك
والدنيا دواره وكله هيقعدلك
اللي تعملوا معاهم أولادك معاك يعملوه
كل واحد يشيل جزمة أمه وأبوه
ومش معني كلامي إنك تهين زوجتك
بس الأولي في العطاء والمحبة أمك
بدعوه منها تسعد في الدنيا والأخرة
هي الأم واحده مفيش أم تانيه
راضي مراتك وفهمها إن الأم جنه
بدعوه منها نسعد في الدنيا والأخرة
بلاش تكون إبن مراتك
وتزيد ذنوبك أخطائك
حاول تكون منصف وعادل
رضا أمك هو إللي يخليك راجل
و بدل الزوجه لك أربعه
بلاش تأسي علي إللي كانت لك مرضعه
صدقني الزوجه متعوضه
أما الأم لو راحت وعنك مش راضيه
من بعدها تخسر الدنيا والأخرة
.....
إبن مراتك
محمد عامر
ليست هناك تعليقات:
إرسال تعليق