لحظات عتاب
على كل شىء وارد
ومية مليون سلام
لأمى والوالد
علمونى ان العتاب
وقت الخصام سادد
ولا ان حد يقول يا ولدي
إن قلبك جاحد
لحظات عتاب
لكل حد ف يوم خدعنى
أو جرحنى
أو ف حقى عاب
لكل ناكر للجميل
أصبح عويل زى الهوى كداب
لكل حاقد أو مراوغ او ثقيل
بلسان طويل سباب
على كل جرح ف وسط فرح
بمية عذاب
لحظات عتاب
لكل واحد باع اخوه
إبن الوطن أو إبن أبوه
أو حتى جاره اللي الشرائع
دوم عليه وصوه
لحظات عتاب
لكل خاينين الوطن
وللغريب يبيعوه
فيه الف مليون
للوطن بدمهم يفدوه
محمد نبيل عبد الرسول
مصر
ليست هناك تعليقات:
إرسال تعليق