قولى مين
قولى مين شاغل خيالك
ولا مين يرفض جمالك
بس قولى مين فى بالك
مين سبب سر انشغالك
العيون تضحك لمين
والرموش السهرانين
والمحبه والحنين
مين فى بالك قولى مين
قولى واحكى ذكرياتك
واوعى تبكى على اللى فاتك
قلبى حاسس من سُكاتك
ان صمتك فيه اهاتك
ياحبيبتى ماتحزنيش
بعدك انتى ازاى اعيش
والنيران مابتنطفيش
ساكته ليه مابتنطقيش
هو حبى مش كفايه؟
وف غربتى انتى معايا
ده احنا لسه فى البدايه
ليه بتختارى النهايه
شعر أحمد اسماعيل/ شاعر العرب
ليست هناك تعليقات:
إرسال تعليق