ناس ع الدنيا بتتكالب
عايشين لبعض مقالب
كارهين لبعض الخير
الطيب فيهم ولاعاجب
ناس بشيطان المادة
فارضه قلوعها وشدة
باعوا كدة بعضيهم
وقلوبهم آسية وحادة
ناس بفلوس تتعالي
جوة نفوس شيالة
طلعوا فجأة لفوق
نزلوا ف أسوء حالة
دنيا ياناس ماتساوي
فركه كعب خطاوي
عمرنا كدة محسوم
قصة حاكيها الراوي
دنيا ياناس من فاته
خدوها بكل بساطه
ما تبكي يوم عليها
عيشوها بكل غطاطه
رباعيات
الشاعر/ شريف توفيق
مصر/١٧ فبراير ٢٠٢١م
ليست هناك تعليقات:
إرسال تعليق