لو أشوفك مرة تاني
نلتقي ويروق زماني
يغمرك شوقي وحناني
بس هسمعلك وبس
واكتم الشكوى في لساني
صوتك الرنان يخش
قلبي أعصابي وكياني
والدفا اللي كان مسافر
يلمس القلب اللي جاني
بعد غيبتك يا حبيبتي
كان معاكي وقام عصاني
من ضلوعي فط مني
جوه صدرك قال مكاني
بس يوم ما تجيني هفرح
وارسم الدنيا بأغاني
وأطرد الأحزان بحالها
من مكاني ومن زماني
حبك انتي يا حبيبتي
شكل تاني وطعم تاني
......... ...........
بقلمي عصام حسيني مدين
ليست هناك تعليقات:
إرسال تعليق