ولسه ياما
ولسه ياما هتندمى
امتى حبيبتى هتفهمى
على حب مات اترحمى
ابكى كتير واتالمى
حاولت ياما افهمك
بكلام جميل اكلمك
كان قصدى والله اعلمك
لكن الغرور واخدك بعيد
واقول كلام يمكن يفيد
يابو قلب اقوى من الحديد
وصبرت ياما على العناد
حتى ف رسايلى يبكى المداد
وليالى فى عذابهم شداد
كنت امنحك طيبه وحنان
ومعايا بتحسى بامان
مين اللى باع ؟ مين اللى خان
عيشى مع دموع الندم
حبك خلاص مات واتردم
وتعبت انا وتعب القلم
حتى الوداع مش هاتنوليه
ورجوعى ليكى مش هاتطوليه
القلب مات من قسوتك انتى عليه
شعر احمد اسماعيل/ شاعر العرب
ليست هناك تعليقات:
إرسال تعليق