يا قلبي ياتيك بالصبر ..والدنيا ماهي دايما
اذا كان اقصدت البحر....ساعف الموجا العايما
واللي صابو سهم الغدر ....احياتو ما تكون سالمة
اذا انكسرت لا تنجبر...واذا جبرت ما مسقما
ما تدي لا قل لا اكثر...غير المكتوبة فالسما
ما تبكي ليام لا الدهر....ما تفرح ما تقول حاكما
يا قلبي ياتيك بالصبر....ايامي راها مظلما
لامرسول لا جاني اخبر... من صاحب لا خي لااما
والي مالو خي ينحقر....ما يلحق نعما ولا الما
......
ويا تمحاني كي ندير انا ذا العام....ويا تشطاني الرأس كي راه مخلط
غرامك ذا دق لي فالقلب اسهام....وخلاني في أرض جيفة نتخبط
كي نعمل يا صاحبي والكذب احرام...فشلني اغرام وحدة متسلط
ذي مدة واسنين عايش في لوهام.... وحين فطنت لقيت روحي طرف الشط
.........
رحت نحوس فالمراسم... ونتفكر احبيب كي ساير ليام
اغرامو فالقلب قايم....بني معزر ما اقدرت على التهدام
حارس يلغى يا الهايم...اخرج منا روح بعد ذو لوهام
يا عمي ما راك عالم....قلبي راه عليل ساكناتو سهام
بالسين من السم شارب... وبالها زادو اجراحي
وبليف ابريت عايب...وبالميم غديت صاحي
أخرجت من العشق تايب.. ومن الغدر اعلا انواحي
جلول قيايدة
ليست هناك تعليقات:
إرسال تعليق