مملكة الشعر والأدب

🔥شبع بعد جوع

بقلميّےـوتصميميّےـ

✍️...هبة الله يوسف محمود سند

زمان قالوا إن الجوع ألم ووجع...

وإن كل جعان في الحياة نهايتة شبع...

قالو إن الشبع دايمًا بييجي بعد الجوع...

ونسيوا إن الجعان مهما عاش في القصور هيزيد في الطمع...

عمر الجعان في الحياة ما هيسلى من جوعه...

هيعيش فقير في الحياة لمطامعه وغروره...

لو فاكر صحيح إن الشبع بييجي بعد الجوع... 

فكرني مين النهارده تاب م الطمع...

طمع النجاح والفلوس،،

طمع المعارف والنفوذ،،

أو للحبيب والحياة مهما شاف من وجع...

لو عايش تدور في الحياة عن سبب جوعك...

هتضيع في دايرة كبيرة وهتنسى إيه دورك... 

عمر الجعان في الحياة ما هينسى وقت الجوع...

ربك ليه حكمه للجعان يرضى ويصبر  على بلوته بخشوع...

لإرادته هو بنفس راضيه ويبقى تحت الطوع...

وبإيمان إن الشبع ييجي م القناعه

مش ييجي بعد الجوع...

( الفقر هو فقر النفوس مش الفلوس .

فهناك من هم فقراء جدًا في الحياة لا يملكون في حياتهم سوى المال )

🔥هہمہسہآتہ حہآئرة🔥