بيوم الارِض بغَرِد الياسمين
بفَصل الربيع تفَتِح الازهار
نحنا بأرض جدي ليوم الدين
مهما جرى من قتل ومهما صار
استشهدوا الابطال تيجان الجبين
والقَتِل صار بكل دار ودار
راجعين لارض الوطن راجعين
ما نخاف من محتل او جزار
راجعين مهما صار يا فلسطين
نبني البلد ونعمر الدوار
أبطالنا الي استشهدوا حلوين
اجمل من الوردات والصبار
والمعركة وصلت ارض سخنين
وعرابية فيها السلم والتار
ولكفر كنا نحنا مش ناسين
هناك لما بدي ضرب النار
والطيبة مع دير حنا الطيبين
إستشهدوا ابطالنا الثوار
والقدس يا ريحة صلاح الدين
وبغزة لما استشهدوا الابرار
نحنا بأرضَك يا وطن باقين
لحتى نمحي كل ذرة عار
...بقلمي...ياسين مصطفى بكري...
ليست هناك تعليقات:
إرسال تعليق