سؤال
بدون
جواب
للبلياتشو!؟
السنين سرقت حاضرنا
والأماكن ملك مين
والحنين ماضي محاصرنا
والزمن مشوار طويل
هو مين يُجبر خاطرنا
لو نزل دمع العينين
ولا إيه ح يكون مصيرنا
لو نسينا إحنا مين!؟
هو انا وانت وغيرنا
كُنا فين قبل الحياة
جينا فيها غصب عنا
ولا نعمة من إله.
رب واحد للجميع
لو ثُلاتي أكيد جُناة
مش مقاسك او مقاسي
المقاس نُبل الأداة!!!!
لو ب إيدي
كُنت ح اهرب أكيد إليه
حُضن نفسي كان لنفسي
اما حُضنه كان يدل
الكون عليه!!!!
لو ب إيدي
كُنت ح افتح ألف باب
مرة اضحك . مرة أغني
مرة أقول لا للعذاب.
عشت عاشق للتمني
زي طير فوق السحاب
والنجوم تيجي تهني
فيها بسمة بدون عتاب
بس يا خسارة الحياة
كان سؤالها بدون جواب
كلمة الحق ب ضميرها
البشر أخره الغياب!!!
وعجبي
كلمات
للبلياتشو
وليد حسانين
13/5/2021
ليست هناك تعليقات:
إرسال تعليق