بتحسب ‏ليه ‏ ‏ ‏ ‏ ‏// ‏ ‏ ‏بقلم ‏الشاعر ‏محمود فؤاد ‏

قصيدة/ بتحسب ليه

..........

شعر/ محمود فؤاد

.........

- بتحسب إيه ..

- وتحسب ليه ..

- وربك ف إيده يفرجها ..

- بدعوة صادقة وتسيبها ..

- تطوف في سما سيد ها..

- وقول يا رب وسّعها ..

- و علّيها .. وسمعها ..

- وربك بكرة يجمعها ..

- مجابة دعوتك لله ..

- تعبنا وتعبت الآهه كمان مرة ..

- وربك واسع المعروف ..

- ومين له رب ينتابه عظيم الخوف؟!!

- باكبر باسمك الأعظم ..

- وأقول يا رب فيك أعظم ..

- رجانا كبير ..

- وأكبر م الألم والحزن ..

- و م التفكير..

- يارب الرحمة والتوبة ..

- ودعوة لينا محسوبة ..

- ترد علينا يا الله ..

- غريب غايب بشوق وسلام ..

- وكلمة تبرّد الآلام ..

- إجابة دعوتك يا كريم..

- لمرضانا يارب اشفِ ..

- وموتانا يا رب اعفِ ..

- وأقولك إيه ومش عارف..

- إله الكون.. 

- علي بابك تملي تهون ..

- مصايبنا.. وأوجعنا..

- ولك يا رب أهه رجعنا ..

- هنحسب إيه ..

- ونحسب ليه ..

- ولك يا رب أهه رجعنا..

..              ............

شعر/ محمود فؤاد 

الثلاثاء الموافق ٢٠١٦/٦/٢٨

الساعة ٣:٣٠ عصرا