وآاه منك يازمن وآاه منك يادنيا
زمن غدآر حقيقي ودنيا صحيح فانيه
يا الف خساره ع اللي بتعملوه فينا
حبايبنا قدامنا ومش شيفاهم عنينا
وموجودين ليل ونهار بين ايدينا
وانتي يادنيا قاسيه وبتستكتريهم علينا
محيرانه ليه يادنيا وبتغدر يازمن بينا
والحياه عذاب وويل وليل ونهار بقينا
الناس نفوسها يخساره ليه إتغيرت
وقلوبها جواها خلاص اتبدلت
وغيرتي ليه يا دنيا شكل الوشوش
سيبتي العبوس وخدتي البشوش
والطيبين راحوا وفضلوا الوحوش
ومحدش. يادنيا عايش وراضي بحاله
والرضا ضاع من سنين كتيره . بقاله
والكل عايش وجواه أوجاعه
الود راح والضحكه جوانا ماتت
والحياه أيامها بسرعه عدت وفاتت
عايشين في طاحونه وبتطحن فينا
نسينا حياتنا ووراكي يادنيا جرينا
والمصالح صبحت كل شيئ عندينا
اللي لايهمه أمه وابوه ولا اخوه وصاحبه
وغلبت افعاله وطبعه..يادوب مصالحه
واللي خان عشرة السنين وما يوم صان
ضيع أسرته وولاده راحوا في خبر كان
وراح منه كل شيء في لحظة شيطان
وخد معاه الأيام الحلوه وسرق منه الأمان
وشاهد علي أفعالنا كلنا ربنا
وهيحاسبنا ع اللي بنعمله في حقنا
اللي بيجيب سيرة الناس في خلوه
من غير مايقول في حقهم كلمه حلوه
واللي جرح حبيبه وسابه.عايش في عذاب
وقطع ياعيني حبل الوداد من غير عتاب
والعمر يادوب شوية سنين وآخرهم عقاب
واللي عايز لآخر الطريق بسرعه يوصلوا
من غير ما يصبر ويبدأوا من أولوا
للوفا معني وناس كتيره ..ما بتفهمه
والحب نادر وجوده في الزمن ده وماحد بيقدره
واللي جاي من العمر مهواش قد اللي فات
واللي راح.. راح يخساره. ومن سُكات
طآب ليه نضيع اللي باقي من عمرنا
حتي لو كان يادوب شوية ساعات
خواطر ( أشرف الدغيدي )
حقوق الملكية محفوظة
ليست هناك تعليقات:
إرسال تعليق