الأربعاء، 14 يوليو 2021

ماتستغربش لما الورد
للندى ينادي
يقوله دا صوت الشمس
جايه تهادي
شقوق الأرض بتكسر
فى أعوادي
ووقت الليل يفوتني
لحن عوادي
ياندى قطراتك تضحكني
تسمع أهالينا فى الوادي
مايسمعها إلا العشاق
اللي يقطف مني ويهادي
تزيد الود والنشوى
بين الأحباب بودادي
يكشر أنيابه شوكي
مايقطف وردي أعادي
ويصرخ صوته مش مسموع
بلاش الغربه يااولادي
ياندى ماتزيد قطراتك
تزيد من ألمي و سهادي
بقطرات الحنين 
افوح بالعطر للغادي
ازين الأرض بالواني
منظرها بهجه لفؤادي
تشوفني العين تتبسم
وتبعد عني الأيادي
ماتستغربش لما الورد
للندى ينادي
                              (((أسامه جديانه)))

ليست هناك تعليقات:

إرسال تعليق