مين ما يحب الوردة
مين ما يحبها مين
قولولها ام عيون شاردة
وردة بعطر الياسمين
روحت بيتها النهاردة
ومعايا الدبلتين
هي لبست واحدة
لبستها واحدة واحدة
وانا من فرحة قلبي
لبستها الاثنين
اتاريني مالقتش عقلي
ماعرفش راح مني فين
حتي دقات قلبي
بتدق وتقول ياسمين
في الدقة مرتين
جمالها يا ناس أخاذ
حببني في الجواز
سهم عينيها نفاذ
سحره كله ألغاز
رمته وصابت قلبي
وما اخدتش غلوتين
وبعد ما كنت راسي
الشوق دوب احساسي
ومن الحب راحت انفاسي
وماعرفت ساسي من راسي
هو انا فاكر ولا ناسي
أنا مين وساكن فين
علاء ولا حسنين
من شبرا ولا الحسين
فقلت يا واد ارتاح
لسة المشوار كفاح
انسي كل الجراح
وسيبك من اللي راح
سماح بقي سماح
لسة في الدنيا براح
وعيش لك بقي يومين
مع أجمل ياسمين
أم عيون حلوين
بقلم الشاعر المحامي/علاء عطية علي
ليست هناك تعليقات:
إرسال تعليق