( وحياة حبنا )
ياللي حبك خدني للنعيم والهنا
وللجنه وداني وعيشني اليوم بسنه
عودني هواك كل يوم علي قربك
افرح بيك ليلاتي وبغرامك وحبك
عيني تفرح بنظره من عنيك
ودقات قلبي علي طول بتناديك
سلمت أمري للهوي وخلآص
والفرحه في عنيا مليانه إخلاص
عيشت هنايا لما لقيتك بتحن عليا
وأشواقي بتزيد كل يوم حاسسها فيا
شايف بعنيا الدنيا حواليا كلها أفراح
لافيها اوجاع ولا فيها ألم وجراح
قلبي طاير من فرحتة علي طول بحسنك
وكل يوم بيسألني أطمنه عنك
ويخطر علي بالي ممكن تبعد يوم عني
افتكر الوعود والعهود اللي بيني وبينك تطمني
ولو مر يوم واحنا بُعاد عن بعضنا
إزاي نحسبه أنا وانت من أيام عمرنا
وحياة حبنا ياأغلي من الدنيا عندنا
كفايه نظره من عنيك تسعد روحنا وقلبنا
وطول مااحنا سوا هتبقي حياتنا هنا
ونحقق كل أحلام السنين سنه بسنه
والأمل جوانا مهما طال إنتظاره مليان حنين
لو كنت تعرف بعدك عني يوم أو يومين
ممكن يعملوا فيا إيه سنين
سهد وسهر وألم ودموع وانين
ونعيش علي أمل الزمان اللي مواعدنا
يجمعنا سوا علي انغام فرحتنا
وذكرياتي معاك كلها وخداني
وتغلبني نظره منك الاقي الشوق يزيد كل يوم تاني
يااغلي شيء في الوجود
حبي ليك من غير حدود
ده هواك وغرامك خليٰ الدنيا ملك إيديا
وطول عمري باتمناك ياحبيبي ليا
ياللي قلبي وروحي دابوا فيك من الحنيه
خليتني عايش في نعيم وياك
ياريت يطول ياحبيبي العمر معاك
وأعيش ايامي من غير عتاب ولوم
غرقان في بحر غرامك ومنك مش محروم
خواطر (اشرف الدغيدي)
حقوق النشر محفوظه
ليست هناك تعليقات:
إرسال تعليق