فين أيامك وفين لياليك
شاغلني بغرامك وبايه أرضيك
مشتاق لكلامك وحشاني عينيك
وليل ونهار بفكر فيك
إرحم حالي وسهري لليالي
غيابك طال وحالي صبح حال
يامعيشني في ألم وعذاب
قلبي في حبك وهواكِ داب
ياكل حاجه حلوه شيفاها عيوني
حبك غيرني وخلا الكل عليك حسدوني
انت الحب اللي اتمنيته في خيالي
ياسارق قلبي اللي كان خالي
انت النعيم والأمل والأماني
والحلم اللي فرحني بيه زماني
حبيبي أقولك إيه ولا إيه
وانا اللي حبيتك من غير ليه
حبيتك من قبل ما اشوفك
وخليت لحياتي معني بوجودك
ومن يوم قلبي ماانشغل بيك
روحي وقلبي دابوا فيك
نورت حياتي وخليتني في جنه
وجناين مفروشه ورد وحنه
مين راح يسعدني زيك
ومين قلبه في حنية قلبك
نسيت ألآمي وبقيت أحلامي
ياللي حبك بيجري في دمي
ملكت قلبي وروحي وعقلي
مش بإيدي عشقتك وهويتك
قدري ونصيبي هما اللي خلوني حبيتك
خواطر اشرف الدغيدي.
ليست هناك تعليقات:
إرسال تعليق