دمعة لظى
د.محمد صالح الرعوي –
الإهداء ( إليها .. وهي تذر على مدامعي الرماد .. حللاً من حرير زاهية
تلبسها على حين غفلة من عيني ّ )
يازين حبك في نوى القلب مكنون
جن الهوى والحال فيك صار مجنون
أدين بالوفاء وأمسيت بالغدر مديون
وأصبحت لاسائل ولا الحب مـسؤول
فارحم فؤاد صار بالبعد مطعون
وجمر النوى مابين جنبيه مدفون
صابر وكم في الحب غيره يخونون
وهو على بلواك بالوصل مأمول
أبكي أبد لو كان بي كرب ذا النون
لو صرت يعقوبك ما قلت وشلون
مادام حبي فيك صافي ومضمون
إإمري ترى ماقلت يازين مقبول
احترت لما قالت الناس مجنون
واحترت لما صرت في الحب مفتون
مشكور لو صارحت أو قلت وشلون
ألقاك وأنت ساري الوقت مشغول
حزت الغلا و أصبحت في الحسن مزون
وامست جموع الفن حولك يغنون
وانا متيم فيك حاير ومحزون
وأنت وسط العين شيء غير معقول
ليست هناك تعليقات:
إرسال تعليق