ليه ياقلبي ليه نشتاق للي بينا مهواش داري
ونّْحِنّْ ليه للي يسهرنا الليل وقلبه من الهوي خالي
لا ياقلبي لا لازم نخبي
منبقاش غلطانين ونبكي ونشكي
ولا ده ياقلبي ذنب اللي عذبناهم
واللي قدرونا وما راعينا هواهم
وجرينا ورا اللي باعونا وسيبناهم
ودي الوقتي ياقلبي بنحن ليهم
ونسهر الليل نفكر فيهم
وما شوفنا منهم غير القسيه
ونشيل جوانا ونتحمل جفاهم عشان شوية حنيه
لا ياقلبي لا
ليه حب الزمن ده
بقه قاسي بالشكل ده
نحن وتشتاق لناس مابتقدر هوانا
ونغير عليهم وهما مش حاسين باللي جوانا
يالف خساره ياقلبي ده حب ولا عذاب
نطمن لناس مياله لغيرنا ونقول عليهم أحباب
لا ياقلبي لا
اللي غدر بينا ومال لغيرنا نرميه
وما نفكرش لحظه واحده فيه
واللي نحن ليه ويقسي علينا
مانبكيش عليه
تعالا ياقلبي من النهارده نتعلم القسيه
واللي اشتريناهم وباعونا خساره فيهم الحنيه
واللي قدروا ع الهجر والبعاد
لازم ننساهم ونسبقهم بالفراق
وكفايه علينا من يوم حبهم يوماتي جرح جديد
وياعيني علينا من يوم ما عرفناهم بيخلفوا المواعيد
خلوا النوم يخاصمنا والضحكه ودعتنا والفرحه عنا راحت بعيد
ودي الوقتي ياقلبي البعد عنهم
ارحم بكتير من القرب منهم
وشوف ياقلبي طيور الشوق اللي كانت بتزورنا وتواسينا
جايه بتشكي من قسوتهم علينا
جايه ومعاها كل مراسيلنا اللي بعتناها ليهم مرجعاها تاني لينا
خواطر (اشرف الدغيدي)
ليست هناك تعليقات:
إرسال تعليق