عنيدة انا
عنيدة ودماغى حجر صوان
وقلبى بيميل للى حب وصان
بانزل فى بحر الهوى والبحر ماله ضمان
مرة ياخدنى الموج ومرة اكون حيران
عقلى يقولى بلاش وقلبى بالحنين مليان
عنيدة انا ودماغى حجر صوان
اركب مركبى وشراعة من الهموم مكسور ومن الزمان متهان
وبرده اعافر مع موج ثاير ومن الزمان غضبان
يمكن يكون تمرد ع العيوب يمكن يكون عصيان
عقلى بيحب يواجه ولا يوم هيكون جبان
بس قلبى ضعيف ميال لكل حنان
اسكت يا قلبى وبطل تدق وأجمد وابعد عن كل لوم وهوان
منا أصل عنيدة ودماغى حجر صوان
افرح يا عقلى انت صح دى راحة البال تساوى م القلوب أطنان
ابعد عن الهموم وخليك مع الله
ربك رحيم رحمان
لا تجرى ورا قلبك ولا تبات فى يوم زعلان
دا اللى خلق القلوب قادر يخلى قلبك بين القلوب فرحان
احسبها بالعقل احسن زى ما قالو زمان
لا تقدر تغير كون ولا تقدر تصاحب جان
بقلم صفاء حسانين
ليست هناك تعليقات:
إرسال تعليق