(حاسب نفسك قبل الحساب)
بقلمي ((منى شحاتة))
جمهورية مصر العربية
بتحبها وبتحب غيرك
وغيرك ولافارقة معاه
ودي غلطتها انها حبيته
وصدقته لما قال إنها مناه
وحلفلها حبها في قلبه
ولاعمره هيقدر ينساه
ولاعمره في يوم حب
غيرها ولاحتى الست اللي معاه
فرحت اوي ومنتبهتش
لكلامه ساعتها ومكنتش متخيلاه
إنه في يوم يطلع كداب
ويتبدل فجأة ويتغير ويبقى
قصادها واحد تاني مش عرفاه
عيشها في اكبر كدبه
إن ف يوم هتكون بقربه
واتخيلت لحظة لقياه
وفضلت تحلم ياما كتير
وبحلمها طارت ف سماه
هيكون أجمل يوم ف
حياتها وعاشت ف حلمها
وطول الوقت مستنياه
وكتير ياما كانت لصورته
بتكلمها وكأنها قاعدة وياه
وتفضل معاها كده تتكلم
وكأن ودانها سمعاه
وفضلت كده على حالها
كتير ولارسيت على بر معاه
بصراحة لو هحكم بينهم
بما إنه طلع كداب
هلقيها هي الغلطانه
رمت نفسها بأحضان راجل
له ست غيرها وياه
مخدتش بالها وقتها
لو فعلا هو هيحب
يبقى الأولى زوجته بهواه
ست عاشت عمرها كله
واقفة جنبه واقفة معاه
ست وافية سترت بيتها
ع المرة عاشت صابرة
عمرها كله وراضية معاه
يبقى ليها ألف تحية
واجرها كله على الله
وانتي ياستي بكره
نصيبك براجل احسن
منه وتتهني وقتها معاه
وهو ربنا يهديه يمكن يوم
يبطل كدب ويحاسب نفسه
قبل حسابه عند الله.
ليست هناك تعليقات:
إرسال تعليق