مغلق ‏/ ‏الشاعر علاء ‏محمود

😎..مغلق..😎

أكتب على أيامك مغلق....

ومتفتحش غير لحبيب...

إن ضحكولك أوعى تصدق...

أصل جراحهم ما لها طبيب....

.....

لو قدّمت الدنيا لاَموك...

لو قصرت لعنو أبوك...

لو إدتهم كل ما تملك...

عمر ف لحظة ما يحبوك...

.....

أصل نهاية الخدمة دموع.....

بعد ده كله تبات موجوع.....

الأيام دى تريح نفسك.....

اللى يخَبط قول ممنوع....

.....

عَوّد نفسك ع الصدمات.....

تفرح لحظة تبكى ساعات...

الإخلاص ف زمنا سراب...

واللى بيخّلِص عدى وفات...

.....

هى مصالح بين الناس...

لما يعوزك تبقى أمير....

إن خلصت مصلحته سلام...

يبقى وجودك جنبه خطير...

......

قالوا زمان الخلق معادن....

اللى يصدى واللى نفيّس...

اللى يصدى سيبه وعدى...

مهما بيعلى برضو رخيص...

......

واللى يصون العشرة شيله...

جوه عيونك فوق الراس....

علشان مخلص ابقى إدعيله...

يفضل عالى بين الناس...

كلماتى علاء محمود